Расійскі салдат: Страшна за краіну, усё як перад распадам СССР
7- 24.06.2026, 19:16
- 4,720
Сярод расійскіх вайскоўцаў на фронце мацнее нянавісць да ўлады і расце расчараванне ў Пуціне.
Расійскае інсайдарскае выданне «Верстка» піша, што сярод расійскіх мабілізаваных і дасведчаных штурмавікоў-кантрактнікаў на фронце ўзмацняюцца ўныласць, раздражненне і нянавісць да ўлады. Паводле суразмоўцаў выдання на фронце, такога ўзроўню напружання і злосці да пуцінскага рэжыму не назіралася нават на пачатку 2026 года.
Паводле слоў расійскіх вайскоўцаў, сітуацыя пачынае нагадваць СССР перад распадам.
«Наогул абсалютная большасць, калі зусім мякка сказаць, расчараваліся ў нашым урадзе і ў канкрэтных людзях. Я думаю, вы разумееце, пра каго я кажу. Гэта ўжо нянавісць, але яшчэ не ярасць, але да гэтага ўсё ідзе. Шчыра, страшна за краіну, бачацца вельмі сумныя часы па аналагіі з распадам СССР», — заявіў расійскі мабілізаваны.
«Усе хлопцы вельмі напружаныя і раздражальныя. Пайшло шмат пісьмовых адмоваў ад удзелу ў баявых заданнях, за гэта не судзяць, а накіроўваюць у іншыя часткі, якраз туды, дзе служыць спецкантынгент», — распавядае мабілізаваны.
Аглядальнікі адзначаюць, што такія настроі небяспечныя для Крамля менавіта таму, што ідуць не ад апазіцыі, а знутры арміі. Людзі, якіх адправілі ваеваць, усё часцей бачаць не «вялікую місію», а знясіленне, бессэнсоўныя заданні, недахоп людзей і адсутнасць яснага выхаду. Пакуль гэта яшчэ не бунт, але ўжо не ранейшая пакорлівасць.
Расійскія вайскоўцы заяўляюць, што іх проста гоняць на забой:
«Хаваюць усё… Страты, параненых, здадзеныя тэрыторыі, знішчаную тэхніку, праблемы з лагістыкай… Ды наагул усё. Татальная хлусня! Нас проста ўтылізуюць у гэтай дзіўнай ваеннай аперацыі».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
