Паліцыя Чэхіі назвала какаінам парашок, знойдзены ў мітрапаліта Іларыёна

Пасля затрымання і вяртання ў РФ яго накіравалі служыць у найбуйнейшы хаб па перавалцы наркотыкаў.

У аўтамабілі мітрапаліта Іларыёна (Рыгор Алфееў) быў выяўлены какаін, паведаміла паліцыя Чэхіі паводле вынікаў экспертызы, перадае Deník N.

Аўтамабіль з мітрапалітам Іларыёнам спынілі паліцыянты 24 мая ў чэшскіх Карлавых Варах, пасля таго як ён разам з кіроўцам і двума прыхаджанамі, якія знаходзіліся ў аўтамабілі, выехалі з тэрыторыі храма Святых Апосталаў Пятра і Паўла. Мітрапаліта папрасілі выйсці з аўтамабіля, пасля чаго «адканваіравалі назад да машыны, там ужо былі акуратна раскладзеныя на дне багажніка тры пакетікі памерам прыблізна два на два сантыметры з белым парашком і слоічак вышынёй каля паўтара сантыметра з белым парашком», распавёў святар у інтэрв'ю РБК.

Мітрапаліт правёў пад вартай два дні і быў адпушчаны разам з аператарам без прад’яўлення абвінавачанняў, пасля чаго ён вярнуўся ў Расію.

Сёння стала вядома, што святара перавялі на новае месца службы — у Бразілію, якую лічаць найбуйнейшым транзітным пунктам для адпраўкі какаіну ў Еўропу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com