Сябар прынца Гары і Меган Маркл раскрыў, як яны паводзяць сябе за кулісамі
3- 6.06.2026, 17:05
- 4,196
Прынц Гары не раз прыязджаў у Украіну.
Каралеўская чэта праяўляе эмпатыю не толькі перад камерамі, а падчас катастроф яны адразу тэлефануюць або пішуць з пытаннямі пра тое, чым яны могуць дапамагчы. Пра гэта распавёў сябар сям’і, шэф-кухар Хасэ Андрэс, які здымаўся ў серыяле Меган Маркл «З любоўю, Маркл», піша Page Six (пераклад — «Фокус»).
Андрэс яшчэ ў 2020 годзе аб’яднаў сваю некамерцыйную арганізацыю World Central Kitchen з дабрачынным фондам герцага і герцагіні Archewell Philanthropies. Усё дзеля таго, каб дапамагаць тым, хто ў гэтым мае патрэбу.
У каментарыі СМІ кулінар раскрыў, што часта, калі здараюцца розныя катастрофы, прынц або ягоная жонка адразу тэлефануюць і пытаюцца: «Што мы можам зрабіць і ці можам мы вам дапамагчы?».
Хасэ Андрэс таксама адзначыў, што Гары і Меган «заўсёды займаюцца тым, што адбываецца ў свеце». Нягледзячы на гэта, кулінар лічыць, што ім неабавязкова трэба гэта рабіць, і перакананы, што робяць яны гэта праз уласную неабыякавасць.
Каралеўская чэта, на думку Андрэса, «захоўвае нармальнасць», але пры гэтым працягвае заставацца ў цэнтры ўвагі людзей з усяго свету.
«Яны могуць вырашыць жыць ва ўтульнасці свайго дома, але мне падабаецца, што яны там нават тады, калі ніхто не глядзіць: яны проста пераконваюцца, што таксама могуць быць часткай рашэння», — патлумачыў кухар.
Андрэс таксама ўзгадаў, як прынц Гары прыехаў у Украіну ў красавіку, дзе ён звярнуў увагу на тых, хто дапамагае параненым і ветэранам вайны.
— Не многія так робяць, — патлумачыў ён, каментуючы гэтае падарожжа.
Менавіта з-за падобных учынкаў кухар і лічыць каралеўскую чэту сваімі сябрамі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
