Мінчанка «выйграла» буйны прыз і страціла 3000 рублёў

Жанчына паверыла фэйкаваму розыгрышу ў месэнджары.

Мінчанка трапіла ў сеткі інтэрнэт-махляроў, паўдзельнічаўшы ў падстаўным інтэрнэт-розыгрышы прызоў. Пра падрабязнасці схемы паведамілі ў МУС.

52‑гадовая жанчына ў адной з груп у месэнджары ўбачыла публікацыю з прапановай паўдзельнічаць у розыгрышы прызоў. Мінчанка адгукнулася на прапанову, і праз нейкі час ёй напісаў ілжэарганізатар. Ён заявіў, што жанчына выйграла буйную суму, але каб яе атрымаць, трэба было «аплаціць банкаўскую камісію — пералічыць грошы на ўказаныя рэквізіты».

Мінчанка пералічыла махлярам каля 3000 рублёў, але свайго прыза так і не атрымала.

Следчыя ўзбудзілі крымінальную справу па факце махлярства. Асобы зламыснікаў усталёўваюцца.

Каб не стаць ахвярай кібермахляроў, у МУС раяць не верыць у раптоўныя выйгрышы, ніколі не плаціць «камісію» за атрыманне прыза, не пераходзіць па падазроных спасылках, а таксама заўсёды правяраць арганізатараў розыгрышаў перад тым, як пачынаць з імі камунікацыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com