Экс-дырэктар добрушскага завода праз два гады апынуўся на волі і на новай пасадзе

Раней яго асудзілі за хабарніцтва на дзевяць гадоў.

Былы дырэктар Добрушскага фарфоравага завода, асуджаны за карупцыю, усплыў на новай пасадзе ў Віцебскай вобласці. Аляксандр Вінакураў — поўны цёзка экс-дырэктара добрушскай фабрыкі, стаў дырэктарам сельгаспрадпрыемства ААТ «Нікалаеўскі» Мёрскага раёна, піша «Флагшток».

У 2023 годзе ГУБАЗіК гучна затрымаў Вінакурава і яго роднага брата па справе аб атрыманні хабару ў асабліва буйным памеры. У 2024 годзе іх асудзілі, а экс-дырэктара прысудзілі да 9 гадоў пазбаўлення волі ў калоніі ўзмоцненага рэжыму з пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, тэрмінам на 5 гадоў.

Але не мінула і двух гадоў, як Вінакураў апынуўся на волі і на новай пасадзе. Чаму — невядома. «Флагшток» знайшоў паведамленне Гомельскага абласнога суда пра прысуд добрушскаму дырэктару: тады паведамлялася, што прысуд не ўступіў у законную сілу і мог быць абскарджаны. Магчыма, так і адбылося, і абвінавачаным скарацілі тэрмін — пра вынікі абскарджання суд не паведамляў.

Так ці інакш, Вінакураў выйшаў на волю і стаў кіраваць гаспадаркай, у якую прынёс «зэкаўскія парадкі», сцвярджае віцебскае медыя: на Вінакурава паступілі скаргі, работнікі расказалі пра ціск і прыніжэнні.

Звесткі пра Вінакурава пазначаныя на сайце райвыканкама як кіраўніка ААТ «Нікалаеўскі», а журналісты знайшлі яго і на фатаграфіі з чэрвеньскага пасяджэння ў райвыканкаме, пазнаўшы таго самага экс-дырэктара Добрушскага фарфоравага завода.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com