«Хутка ўспыхне»

Сітуацыя ў эканоміцы Расіі імкліва пагаршаецца.

Наперадзе яе абвал, які запусціць сацыяльны і ваенны калапс, лічыць расійскі «раззлаваны патрыёт» Z-блогер Максім Калашнікаў. З такой заявай ён выступіў у сваім канале ў Telegram 16 ліпеня, перадае «Дыялог».

Калашнікаў звярнуў увагу на тое, што, паводле прагнозаў, дзірка ў дзяржбюджэце Расіі да канца года дасягне рэкордных значэнняў, і «латаць» яе няма чым. У такіх умовах правядзенне мабілізацыі пагражае поўным абвалам эканомікі.

«Баюся, добрых рашэнняў тут няма. Распродаваць залаты запас наўрад ці стануць, ліквідная частка ФНБ вычарпаная. Кітай дзяржаўнага крэдыту не дае. Валютныя рэзервы Захад адабраў. Друкаваць рублі дзеля пакрыцця дэфіцыту? Гэта шок гіперінфляцыі і масавае зняцце грошай з банкаўскіх рахункаў. Што можа справакаваць банкаўскі крызіс з велізарнымі выдаткамі на барацьбу з ім. Я ўжо маўчу пра абясцэньванне абаротных сродкаў прадпрыемстваў, якое пагражае падзеннем вытворчасці ва ўсіх галінах і ў ВПК таксама», — распавёў Калашнікаў.

На яго думку, адзіны варыянт для Крамля — гэта канфіскацыя банкаўскіх укладаў насельніцтва. Але і гэты крок, верагодна, прывядзе да сацыяльнага выбуху.

«Думаю, наспявае цяжкі вайскова-эканамічна-палітычны крызіс», — паведаміў Z-блогер.

Паводле яго, цяперашняя сітуацыя ў Расіі нагадвае апошнія гады існавання СССР, толькі ўсё «куды цяжэй і яшчэ больш небяспечна». Прычына гэтых бедаў — вайна супраць Украіны, у якой завязла Расія.

«Пераход вайны ў зацягнутую, на знясіленне, форму прывёў да эканамічнага надрыву РФ. У нас, у адрозненне ад Кіева, няма велізарнай фінансавай і ваенна-тэхнічнай падпіткі звонку. І «курыца, што дзюбае па зярнятку», перамалоціла не Украіну і ЗСУ, а перадусім нас», — канстатаваў Калашнікаў.

Ён прагназуе моцныя ўзрушэнні ў Расіі ўжо ў найбліжэйшы час.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com