Беларускі футбаліст патрапіў у заяўку «Легіі» на чарговы чэмпіянат Польшчы

Эрыку Мікановічу — 18 гадоў.

У новым сезоне польскай Экстраклясы можа дэбютаваць беларускі вінгер Эрык Мікановіч. Як паведамляюць афіцыйныя сацсеткі варшаўскай «Легіі», футбаліст уключаны ў заяўку клуба на будучы чэмпіянат.

Эрыку 18 гадоў. Ён выхаванец гродзенскай СДЮШАР «Белкард», пасля чаго праходзіў падрыхтоўку ў клубе «Юзэфовія» з горада Юзэфув, а затым апынуўся ў сістэме «Легіі». Прайшоўшы ўсе юніёрскія і юнацкія каманды сталічнага клуба, футбаліст пачаў выступаць за моладзевую каманду і ў яе складзе ўдзельнічаў у Маладзёжнай лізе чэмпіёнаў. У мінулым сезоне ён гуляў за другую каманду «Легіі» ў чацвёртым дывізіёне Польшчы. Таксама Эрык мае досвед выступленняў за юнацкую зборную Беларусі.

Нядаўна клуб правёў фотасесію напярэдадні старту нацыянальнага чэмпіянату — Эрык узяў у ёй удзел.

Летась «Легія» заняла пятае месца ў Экстраклясе. Бягучы сезон каманда пачне 24 ліпеня выязным матчам супраць «Погоні» са Шчэціна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com