У порце Наварасійска забаранілі начны рух суднаў з-за атак украінскіх беспілотнікаў
Распараджэнне было вусным.
У Расіі ўвялі часовую забарону на рух суднаў у порце Наварасійска і з яго ў перыяд ад паўночы да 5:00 раніцы з-за атак украінскіх беспілотнікаў. Пра гэта паведамляе Reuters са спасылкай на тры крыніцы ў збожжавой галіне.
Па іх словах, распараджэнне было вусным, і на гэты момант няма ніякага афіцыйнага дакумента пра забарону. Крыніцы агенцтва адзначылі, што порт працуе ў звычайным рэжыме, за выключэннем начных гадзін, на якія распаўсюджваюцца абмежаванні, а экспарт збожжа не змяніўся.
21 ліпеня было апублікавана ўрадавае распараджэнне, якое забараніла судам станавіцца на якар у раёнах, не забяспечаных сродкамі супрацьпаветранай абароны, у порце Азоў (Азоўскае мора) і порце Каўказ (Керчанскі праліў).
Порт у Наварасійску стаў галоўным лагістычным і аперацыйным хабам для рэшткаў расійскага Чарнаморскага флоту пасля таго, як інтэнсіўная кампанія ўкраінскіх удараў прымусіла Маскву тэрмінова вывесці свае ваенныя караблі з базы ў часова акупаваным Севастопалі.
Нягледзячы на змену месца дыслокацыі, украінскія сілы працягваюць рэгулярна атакаваць базу ў Наварасійску, выкарыстоўваючы, у прыватнасці, надводныя беспілотнікі з выбухоўкай, ад якіх Расія дарэмна спрабуе абараніцца шляхам устаноўкі фізічных загарод на вадзе.
Як паведамляла брытанская выведка, расійскае вайсковае камандаванне пачало масава ўсталёўваць на свае падводныя лодкі, якія базуюцца ў Наварасійску, спецыяльныя антыдронавыя рашоткі, у спробе абараніць іх ад украінскіх удараў.
14 ліпеня Ваенна-марскія сілы Украіны знішчылі ў Наварасійску памежны карабель ФСБ Расіі «Ізумруд», які 25 лістапада 2018 года ўдзельнічаў у нападзе на караблі ВМС у Керчанскім праліве.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
