Што з тварам, генерал Хрэнін?

З серыі: адчуйце розніцу.

Нядаўна Аляксандр Лукашэнка выступіў са дзіўнай ініцыятывай: накіроўваць «у армію і на паўднёвую мяжу» тых, хто дрэнна працуе ў сельскай гаспадарцы і не выконвае працоўную дысцыпліну, асабліва падчас жніва. І чыноўнікаў — таксама. Перафразуючы кінакласіку: «У лес, усіх у лес!».

Зусім незразумела, праўда, якім чынам разгыльдяі ўзмоцняць ахову беларускіх межаў, а тым больш — навошта даваць ім зброю. Але хто ж рызыкне задаць кіраўніку падобнае пытанне.

Чыноўнікі рызыкнулі хіба што перавесці стрэлкі. Не ў спецназ, а на вайсковыя зборы, сказаў міністр абароны Хрэнін. А кіраўнік адміністрацыі Лукашэнкі Дзмітрый Крутой назваў гэтыя вучэнні «вайскова-выхаваўчымі». Увогуле, армія — як пакаранне.

Пакуль невядома, колькі праштрафіўшыхся работнікаў і чыноўнікаў «ўзмоцняць» такім чынам беларускія войскі.

А ўжо ў верасні—кастрычніку пачнецца чарговы прызыў, указ пра які падпісаў Лукашэнка таксама на гэтым тыдні. Паводле афіцыйных звестак, звычайна ў межах кожнай прызыўной кампаніі на службу накіроўваюць каля 10 тысяч маладых беларусаў — таксама прымусова, бо паводле дзеючых законаў «абарона Рэспублікі Беларусь — абавязак і святы доўг грамадзяніна» (артыкул 57 Канстытуцыі).

Цікава, што ў сярэдзіне ліпеня стала вядома пра прызыў у суседняй Літве. Там у армію гатовы прыняць каля 5 тысяч чалавек (пры насельніцтве краіны утрычы меншым, чым у Беларусі). Але справа не ў гэтым. Сёлета колькасць добраахвотнікаў, якія хочуць служыць, значна большая, чым колькасць месцаў.

8,1 тысячы маладых літоўцаў выклікаліся прайсці абавязковую службу (ад 9 месяцаў), прычым больш за палову — яшчэ да ўключэння іх у спісы прызыўнікоў. Гэта рэкордны паказчык за многія гады. А па заканчэнні абавязковага тэрміну, адзначыў міністр абароны Робертас Каўнас, добраахвотнікі могуць атрымаць выплату каля 9 тысяч еўра.

Што з тварам, генерал Хрэнін?

Алеся Матусевіч, «Салідарнасць»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com