Румынія спыняе абодва рэактары адзінай АЭС

З-за рэкорднага абмялення Дуная.

Румынія спыніць другі энергаблок сваёй адзінай атамнай электрастанцыі «Чэрнаводэ». Прычына – крытычнае падзенне ўзроўню вады ў Дунаі, выкліканае моцнай засухай. Пра гэта паведамляе выданне Profit.

З-за спынення АЭС Румынія часова страціць больш за 1400 МВт устаноўленай магутнасці атамнай генерацыі.

Першы рэактар станцыі быў спынены 28 ліпеня па той жа прычыне. Другі энергаблок будзе адключаны ад энергасістэмы ўвечары 29 ліпеня або раніцай 30 ліпеня – у залежнасці ад далейшага паніжэння ўзроўню Дуная.

Рашэнне прынята ў адпаведнасці з працэдурамі, якія прымяняюцца пры моцнай засухе. Яно грунтуецца на апошніх прагнозах Нацыянальнага інстытута гідралогіі і кіравання воднымі рэсурсамі Румыніі.

Міністэрства энергетыкі Румыніі запэўніла, што адключэнне абодвух рэактараў не паўплывае на пастаўкі электраэнергіі бытавым і прамысловым спажыўцам. Паводле звестак ведамства, на гэтым тыдні пікавае спажыванне электраэнергіі ў краіне ацэньваецца ў 7,3 ГВт, тады як унутраная вытворчасць да спынення другога рэактара складала да 4,3 ГВт. У сярэднім Румынія вырабляе каля 7 ГВт электраэнергіі.

Паводле дадзеных дзяржаўнага агенцтва па кіраванні воднымі рэсурсамі Румыніі, у аўторак расход вады на ўваходзе Дуная ў краіну знізіўся да 1650 кубаметраў у секунду, у той час як сярэдні паказчык для ліпеня складае каля 4750 кубаметраў у секунду.

Агенцтва прагназуе, што да 4 жніўня гэты паказчык знізіцца да 1500 кубаметраў у секунду. Для параўнання, гістарычны мінімум быў зафіксаваны ў 1985 годзе – 1400 кубаметраў у секунду.

Паводле папярэдніх ацэнак аператара энергасістэмы Transelectrica, першы рэактар плануюць зноў падключыць да энергасістэмы 4 жніўня, другі – 10 жніўня, калі гідралагічная сітуацыя палепшыцца.

Запланаванае спыненне другога рэактара павялічыць залежнасць Румыніі ад імпарту электраэнергіі і ўзмоцніць ціск на цэны, якія ўжо выраслі з-за спякоты ў большай частцы Еўропы, адзначае Reuters.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com