Беларускія вучоныя заявілі, што створаны новы суперфуд для жывёл

Гэта паўплывае на якасць прадуктаў.

Беларускія вучоныя стварылі сапраўдную «фабрыку бялку» – айчынны сорт белага люпіну пад назвай «грэк», піша прэс-служба Мінсельгасхарчу.

Супербялковая распрацоўка прэтэндуе на званне бялковага лідара сярод кармоў для жывёл, выцясняючы сою.

Якасць малака, мяса і яек наўпрост залежыць ад складу кармоў для жывёл. Лёгказасваяльны бялок – аснова прадуктыўнасці жывёлы і птушкі. Менавіта такі супербялковы сорт люпіну распрацавалі ў РУП «Навукова-практычны цэнтр НАН Беларусі па земляробстве».

Вучоныя адзначаюць рэкордную пажыўнасць айчыннага сарту – у зялёнай масе змяшчаецца да 22,1% бялку.

Акрамя таго, расліна ўстойлівая да грыбковых захворванняў, радзей хварэе, а значыць, не мае патрэбы ў частых хімічных апрацоўках.

Новы сорт лічыцца сярэдняспелым, распавялі спецыялісты. На сілас яго можна скашваць ужо праз два месяцы, а каштоўнае зерне саспявае праз 110–123 дні.

Сярэдняя ўраджайнасць «грэка» перавышае 30 цэнтнераў з гектара, а ў ідэальных умовах дасягае 47,4 ц/га. Устойлівасць да асыпання новага сарту таксама ўражвае — 4,8 бала з 5.

Як адзначылі ў ведамстве, сорт ужо раяніраваны, то-бок дапушчаны да выкарыстання на ўсёй тэрыторыі краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com