Кітай выстаўіў Расіі ўльтыматум з-за Украіны
4- 9.07.2026, 22:37
- 5,214
Зяленскі раскрыў падрабязнасці.
Прэзідэнт Украіны Уладзімір Зяленскі заявіў, што Кітай упершыню ў жорсткай і катэгарычнай форме адрэагаваў на заявы з Расіі пра магчымасць выкарыстання ядзернай зброі.
Пра гэта прэзідэнт Уладзімір Зяленскі паведаміў у каментары журналістам пасля саміту НАТА ў Турцыі ў чацвер, 9 ліпеня, перадае New Voice.
Паводле слоў кіраўніка дзяржавы, роля Пекіна ў вайне РФ супраць Украіны і яго магчымы ўплыў на перамоўны працэс абмяркоўваліся падчас сустрэчы з прэзідэнтам ЗША Дональдам Трампам. У той жа час Зяленскі не раскрыў падрабязнасцяў гэтай размовы.
Прэзідэнт таксама адзначыў, што тэма Кітая ўзнімалася падчас ягоных перамоваў з еўрапейскімі лідарамі. Яны паведамілі, што Пекін рэзка адрэагаваў на заявы, якія распаўсюджваліся ў расійскай інфармацыйнай прасторы адносна магчымасці выкарыстання ядзернай зброі.
«Кітай вельмі сур'ёзна, вельмі жорстка і выразна адрэагаваў на заявы ў расійскіх СМІ пра магчымасць выкарыстання ядзернай зброі. [...] І мне здаецца, што ўпершыню яны адрэагавалі вельмі выразна і жорстка — як сказалі мне лідары, у ўльтыматыўнай форме: пра выкарыстанне ядзернай зброі не можа быць і гаворкі», — сказаў ён.
У сярэдзіне мая расійскі дыктатар Уладзімір Пуцін разам з самазваным прэзідэнтам Беларусі Аляксандрам Лукашэнкам правёў сумесныя вучэнні па «баявым выкарыстанні ядзернай зброі» — былі задзейнічаны наземныя, паветраныя і падводныя носьбіты. Дзеля гэтага РФ нават перавезла частку боепрыпасаў у месцы захоўвання на тэрыторыі Беларусі. Абодва дыктатары дэманстратыўна аддалі каманды на пуск.
Вучэнні праходзілі на фоне заяў Кіева пра тое, што Масква спрабуе насамрэч уцягнуць Мінск у вайну супраць Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
