Расійскі дрон зноў парушыў паветраную прастору Малдовы

Верагодна, гэта быў рэактыўны «Шахед».

Увечары 10 жніўня падчас чарговай паветранай атакі РФ на Адэскую вобласць паветраную прастору Малдовы парушыў расійскі БПЛА, які пасля гэтага вярнуўся ва Украіну, пра што паведамілі ў Міністэрстве абароны Малдовы.

Паводле даных Службы паветраных аперацый арміі Малдовы, а 23:41 радары зафіксавалі аб’ект, які рухаўся з боку ўкраінскай Сцяпанаўкі і ўляцеў у паветраную прастору Малдовы, пралятаючы над вёскай Прыазёрнае Слабадзейскага раёна.

Праз хвіліну апарат вылецеў з паветранай прасторы Малдовы назад ва Украіну на поўнач ад Сцяпанаўкі.

Адзначаецца, што паводле характарыстык апарат падобны да «Герані-3», гэта значыць рэактыўнага «Шахеда».

У паведамленнях украінскіх Паветраных сіл пра паветраныя пагрозы прыкладна ў той жа час пісалі пра рух рэактыўнага БПЛА ў Адэскай вобласці каля вёсак паблізу мяжы з Малдовай.

Нагадаем, у панядзелак было абвешчана, што БПЛА, які выбухнуў у Малдове ў нядзелю, 9 жніўня, — гэта апарат новага тыпу, які дагэтуль яшчэ не падаў на тэрыторыі краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com