У Польшчы затрымалі нанятага Расіяй кілера

Ён рыхтаваўся забіць «нязручнага для рэжыму Пуціна» грамадзяніна ЗША.

Улады Польшчы арыштавалі расіяніна, які, як лічыць следства, быў наняты Масквой для забойства грамадзяніна Украіны і ЗША ў Варшаве. Пра гэта піша Reuters са спасылкай на польскага прэм’ер-міністра Дональда Туска. Паводле слоў кіраўніка ўрада, затрыманне адбылося 7 жніўня, і падазраваны быў «завербаваны расійскімі спецслужбамі» для забойства чалавека, які быў «нязручны для рэжыму Пуціна». Іншай інфармацыі пра меркаваную ахвяру, акрамя таго, што ў яе ёсць пашпарты ЗША і Украіны, Туск не паведаміў.

Паводле звестак выдання Rzeczposoplita, мэтай кілера павінен быў стаць прадпрымальнік зброевай галіны, які забяспечваў Украіну. Арыштаваны — 29-гадовы жыхар Данбаса. Яго затрымалі ў варшаўскім раёне Мокатув паліцыянты з аддзела па расследаванні тэрарызму і забойстваў сталічнага ўпраўлення. У аперацыі таксама ўдзельнічалі супрацоўнікі контртэрарыстычнага падраздзялення. «У апошнюю хвіліну, дзякуючы дзеянням Агенцтва ўнутранай бяспекі і паліцыі, нам удалося прадухіліць гэтую экзекуцыю, гэта нападзенне», — заявіў польскі прэм’ер.

Туск падкрэсліў, што гэта «першы падобны выпадак, калі хтосьці па загадзе Расіі вырашае атакаваць грамадзяніна ЗША на тэрыторыі іншай краіны НАТА». «Мы мусім зыходзіць з таго, што рэжым Пуціна будзе спрабаваць ліквідаваць людзей, якія дастаўляюць яму нязручнасці, з розных прычын, у розных месцах па ўсім свеце, таму нашы дзеянні ў гэтым пытанні будуць надзвычай інтэнсіўнымі, каб прадухіліць любыя далейшыя спробы нападзення на грамадзян Польшчы або іншых краін на нашай тэрыторыі», — заявіў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com