Адразу дзве беларускі заваявалі медалі на чэмпіянаце Еўропы па лёгкай атлетыцы

Сярод іх — Крысціна Ціманоўская.

Беларуская лёгкаатлетка Крысціна Ціманоўская, якая выступае за зборную Польшчы, у яе складзе заваявала бронзавы медаль на чэмпіянаце Еўропы па лёгкай атлетыцы, паведамляе «Зеркало».

Турнір праходзіў у брытанскім Бірмінгеме. Першае месца ў зборнай Вялікабрытаніі з новым еўрапейскім рэкордам — 42,05 секунды. На другім месцы Швейцарыя з вынікам 43,12 секунды, на трэцім — Польшча — 43,15 секунды, у складзе якой была і Ціманоўская.

Яна завяршыла свой этап эстафеты за 42,63 секунды. Гэта яе асабісты рэкорд і найважнейшае дасягненне з таго часу, як яна пачала выступаць за зборную Польшчы пасля скандалу на Алімпіядзе-2021 (пасля крытыкі кіраўніцтва яе адхілілі ад спаборніцтваў).

Чэмпіянат Еўропы апынуўся паспяховым і для беларускі Марыі Жодзік, якая таксама прадстаўляе зборную Польшчы. У спаборніцтвах па скачках у вышыню яна ўзяла з першай спробы 1,95 метра і заняла другое месца. На першым — украінка Яраслава Магучых з вынікам 1,97 метра.

Марыя Жодзік жыве ў Польшчы з 2022 года. Улетку 2024-га Міжнародная асацыяцыя федэрацый лёгкай атлетыкі дазволіла беларускай лёгкаатлетцы афіцыйна прадстаўляць гэтую краіну на міжнароднай арэне. У верасні 2025-га Жодзік заваявала срэбраную медаль у скачках у вышыню на чэмпіянаце свету па лёгкай атлетыцы ў Токіа.

У Беларусі на чэмпіянаце па лёгкай атлетыцы ў 2021-м Жодзік устанавіла асабісты рэкорд, узяўшы планку на вышыні 196 см. Гэта дало ёй права выступаць на Алімпіядзе ад Беларусі ў Токіа, аднак, як паведамляў Беларускі фонд спартыўнай салідарнасці, функцыянеры Беларускай федэрацыі лёгкай атлетыкі не забяспечылі працэдуру праходжання допінг-тэстаў у тэрміны, устаноўленыя Міжнароднай федэрацыяй лёгкай атлетыкі. Жодзік падпісвала адкрыты ліст беларускіх спартсменаў супраць гвалту, а таксама асудзіла вайну Расіі супраць Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com