Аргументы ў пустэчу

Узгадаем, колькі ўсяго было напісана і сказана перад адкрытым уварваннем рашыстаў ва Украіну.

Пра тое, што гэтага злачынства Расія не здзейсніць.

Аргументы са спасылкамі на нейкую «агульначалавечую», то бок, у рэале, «еўрапейскую» або «амерыканскую» разумнасць рашыстаў — гэта аргументы ў пустэчу. Колькі разоў так небяспечна аслаблялася ўспрыманне небяспекі! Перыядычна ўсплываюць чарговыя довады пра чарговыя запланаваныя жахі імперства, калі сцвярджаецца, што імперыя не пойдзе на новыя кашмары.

Генерал Лебедзь неяк выказаў цікавую думку: «Дурнота — гэта іншы розум». Што да расійскіх уварванняў, рэпрэсій, дзікіх законаў і ўсяго хтанічнага, праўдай з'яўляецца тое, што кіраўніцтва, ды і нярэдка насельніцтва, трымаецца логікі «іншага розуму», а не проста згаданай «дурноты». Захад і ўсе «разумнікі» рэгулярна трапляюцца на ўласнай сістэме прагназавання, якая якраз не ўлічвае пастаяннай парадаксальнасці расійскіх паводзінаў.

Прывядзём тут свайго роду «канцэнтрат» аргументацыі, прычым адносна множства мінулых і, аўтаматычна, будучых падзей; дзякуючы вобразнасці і згушчанасці яго можна яшчэ неаднаразова ўспамінаць і дапаўняць па вобразу і падабенству, то бок па вектары думкі. Падкрэслім: менавіта такая сумесь можа прыводзіць да памылковага прагнозу і, адпаведна, да сур'ёзных страт, ахвяр і нават катастроф глабальнага маштабу. Дык вось, крыху згушчым для нагляднасці...

... Калі Крэмль зробіць рызыкоўны крок, то рэйтынг улады сярод выбаршчыкаў панізіцца, праўладныя партыі страцяць пры галасаванні, а кандыдатура сённяшняга Прэзідэнта Расійскай Федэрацыі праваліцца на выбарах. Адбудуцца масавыя акцыі непадпарадкавання, страйкі, вулічныя пратэсты.

... Калі Крэмль дапусціць чарговую злачынную памылку, то верагодныя праблемы ў эканоміцы. Санкцыі знізяць эканамічныя паказнікі, і гэта адаб'ецца на агульным узроўні дабрабыту насельніцтва, што абрыне аўтарытэт усёй уладнай сістэмы Расіі і ў выніку прывядзе да змены ўлады.

... Калі расійская армія ўварвецца, гэта прывядзе да катастрафічных сістэмных наступстваў для ўсіх сфер жыцця грамадства...

... Цяпер няма падстаў для занепакоенасці наконт рызык, бо армія не разгарнула неабходную інфраструктуру, якая абавязкова павінна прысутнічаць пры пагрозе ўварвання...

... Эканоміка не гатовая. Грамадства пацерпіць. Дэмаграфія ўпадзе. Гэта неразумна...

Што яшчэ дадаць? Фантазія падкажа, як і памяць. Адна «вішанька на торце» тут яўна неабходная, бо мы ж прыводзім аргументы, даводзячы да абсурду, з прыкметным трагічным сарказмам, ці не так? Канчаткова «забойны» аргумент, які проста крычыць, — «Путіну будзе сорамна». Здаецца, дастаткова?

Аляксандр Адэльфінскі, kasparovru.com

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com