У МНС Кіргізстана абверглі выяўленне целаў беларускіх альпіністаў

Зараз пошукі зніклых людзей прыпыненыя.

У МНС Кіргізстана абверглі выяўленне целаў зніклых альпіністаў з Беларусі і Літвы. Паводле інфармацыі ведамства, 16 жніўня падчас пошукавых работ быў знойдзены абутак альпіністаў. Раней былі выяўленыя іх заплечнік, спальнік і іншыя асабістыя рэчы, паведамляе Vesti.kg.

Зараз пошукі зніклых людзей прыпыненыя з-за складаных умоў і небяспекі, звязанай з таяннем лёду на вяршыні.

Наступны этап пошукавай аперацыі, папярэдне, плануецца правесці напрыканцы жніўня або ў верасні.

Раней удзельнік пошукава-выратавальнай групы Аляксандр Смірноў паведаміў, што на піку Курумду, верагодна, былі выяўленыя целы зніклых альпіністаў з Беларусі і Літвы. Іх выявілі з дапамогай дрона.

Група альпіністаў з трох чалавек знікла на пачатку жніўня пасля ўзыходжання на пік Корумду. Гэта 43‑гадовы Максім Палянскі, 60‑гадовы Мікалай Свірідаў з Беларусі і 37‑гадовы Сяргей Рубцоў з Літвы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com