РФ нанесла ракетны ўдар па Печанегах: загінулі 10 чалавек

Зяленскі паабяцаў адказ.

Расійскія войскі нанеслі ракетны ўдар па пасёлку Печанегі Харкаўскай вобласці, у выніку якога ёсць загінулыя і пацярпелыя, паведамляе unian.net.

Паводле апошніх звестак кіраўніка Харкаўскай ОВА Алега Сінягубава, колькасць пацярпелых павялічылася да 17 чалавек, колькасць загінулых застаецца нязменнай — дзесяць.

Як паведамілі ў Харкаўскай абласной пракуратуры, удар па Печанегах быў нанесены каля 08:40. Папярэдне праціўнік выкарыстаў дзве малапамерныя крылатыя ракеты «Бандэроль».

Па факце атакі адкрыта дасудовае расследаванне па артыкуле аб ваенным злачынстве, якое пацягнула гібель людзей (ч. 2 арт. 438 КК Украіны).

Кіраўнік Печанежскай грамады Аляксандр Гусараў распавёў выданню «Суспільне», што ўдары прыйшліся на цэнтральную частку пасёлка, дзе размешчаны кафэ, пошта і крамы. Адна з ракет трапіла непасрэдна ў кафэ, усе ўдары прыйшліся ў радыусе каля 50 метраў адзін ад аднаго.

Прэзідэнт Украіны Уладзімір Зяленскі паабяцаў адказаць расіянам за варварскі ўдар.

«Выяўляюцца ўсе абставіны гэтай трагедыі. Абавязкова адкажам на гэты расійскі ўдар. І не менш важна, каб партнёры таксама дапаўнялі нашы справядлівыя кінетычныя адказы сваімі крокамі па аказанні ціску на Расію і падтрымцы Украіны», — дадаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com