У Беларусі забаранілі папулярны расійскі шакалад

Яго склад не адпавядае заяўленым патрабаванням.

Дзяржаўны камітэт па стандартызацыі (Дзяржстандарт) забараніў з 27 жніўня ўвозіць і прадаваць на тэрыторыі Беларусі шакалад «Чаржед» расійскай вытворчасці. Падчас праверкі высветлілася, што прадукт не адпавядае патрабаванням тэхрэгламентаў Мытнага саюза.

У прэс-службе ведамства паведамілі, што паводле дадзеных выпрабаванняў сумарнае ўтрыманне какава-алею і малочнага тлушчу склала 20,2%. Аднак паводле нормы іх павінна быць не менш за 25%. Менавіта з гэтай прычыны прадукт нельга лічыць малочным шакаладам.

«Гэта ўводзіць спажыўца ў зман адносна віду харчовай прадукцыі, якой вытворца наўмысна надаў знешні выгляд і асобныя ўласцівасці малочнага шакаладу, але пры гэтым яна не можа быць ідэнтыфікаваная як малочны шакалад, за які выдаецца», – падкрэслілі ў Дзяржстандарце.

Шакалад выпускае расійскае ТАА «Кандытарская фабрыка «Победа»». Вытворчасць знаходзіцца ў Ягор'еўску Маскоўскай вобласці. Пастаўшчыком прадукцыі ў Беларусі пазначана ТАА «Еўраторг».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com