«Пачакам паўгода і купім за пачак «Кіріешак» і колу»
- 26.08.2026, 14:12
- 1,926
Фота: threads.com/@annagur.in
Беларусаў уразілі цэны на жыллё ў Новай Баравой.
У Threads прапануюць купіць невялікую кватэру без рамонту ў Новай Баравой за 95 тысяч долараў. У каментарыях цану сустрэлі без асаблівага энтузіязму: адны ўзгадвалі, колькі каштавала тут жыллё яшчэ пару гадоў таму, іншыя ж лічаць, што трэба пачакаць з пакупкай квадратных метраў, піша «Зеркало».
«Мінск! Прадаю новую кватэру ў Новай Баравой! 34,3 кв. м. Без рамонту. Шосты паверх з сямі. 95 000 долараў. Купіце па-брацку, га?» — напісала мінчанка.
Шмат якіх каментатараў кошт жылля здзівіў. Вось некаторыя водгукі пад пастом:
«Калі шчыра, я ў а*** ад цяперашніх цэн. Роўна год таму купіла там жа 70 м² з мэбляй і тэхнікай за 130 тыс.».
«Тут галінай вышэй дом у Аргентыне на 120 м² з выглядам на мора — 78 тыс.».
«Цана занадта ўжо, за гэтую суму ў Новай Баравой стаяць (прадаюць. — Заўв. рэд.) з рамонтам».
«2770 долараў за квадрат у кватэры на 34 квадраты. Па сутнасці і без пакоя, і без кухні. 7 у 1, як мужчынскі гель для душа. Трэба браць».
«А як кватэра без рамонту можа каштаваць 3 тыс. за квадрат? Максімум 1,5 тыс.».
«Я за такія грошы 56 м² купіў, практычна, за 98. Поспехаў вам».
«Вы хочаце прадаць ці не задешавіць? Удакладняйце людзям. З апошняга знаёмыя бралі 45 м² за 75 тысяч долараў. «Паўночны бераг». А ў вас з лічбамі нешта не тое».
«Як добра, што мы купілі кватэру ў Новай Баравой раней. За меншую суму і метраж значна большы. Але яно таго варта! Хлопцы, хто купіць гэтую кватэру, запрашаем! Нова Баравая — гэта крута, гэта натхненне і кайф. Суседзі проста космас! Нам дасталіся найлепшыя на свеце!»
«М-да. Я нават танней у Новай Баравой трохпакаёвую купіў у 2023 годзе, а тут 34 квадраты…»
«Ёсць 40 (відаць, тысяч долараў. — Заўв. рэд.), забяру па-брацку ўсе пакоі, акрамя туалета з ваннай».
«Дык вось, я задумалася, за колькі можна прадаць 49,2 кв. м у Мінску з прымальным рамонтам. Ці змагу я за гэтыя мільярды пачаць новае жыццё на Карыбскіх астравох?»
«Пачакам паўгода і купім за пачак «Кіріешак» і колу 0,33 літра».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
