Вядомая MAGA-блогерка звярнулася да ўкраінцаў
1- 29.08.2026, 10:16
- 2,198
Раней яна падтрымлівала РФ.
Блізкая да прэзідэнта ЗША Дональда Трампа блогерка Лора Лумер, якая ў ліпені пабывала ў Кіеве і ўзяла інтэрв'ю ў прэзідэнта Уладзіміра Зяленскага, а цяпер актыўна падтрымлівае ўкраінцаў, паабяцала зноў наведаць Украіну. Пра гэта MAGA-актывістка напісала ў сваім уліковым запісе ў сацсетцы X.
Лумер нагадала, што раней была пад уплывам расійскай прапаганды, з-за чаго крытыкавала Украіну і падтрымлівала Расію. Аднак візіт у краіну прымусіў яе перагледзець частку палітычных поглядаў. Цяпер блогерка адкрыта падтрымлівае ўкраінцаў і распавядае праўду пра расійскіх акупантаў і рэжым дыктатара Уладзіміра Пуціна.
«З нецярпеннем чакаю вяртання ва Украіну. Дзякуй украінцам за тое, што яны адкрыліся мне падчас майго знаходжання ў Кіеве, Дняпры, Харкаве і іншых гарадах. Я абавязкова вярнуся!» – напісала Лумер.
Новая калонка:
Гадамі паўтарала расійскую прапаганду. Потым я наведала Украіну.
Калі я паехала ва Украіну, я сказала сваёй аўдыторыі, што распавяду пра ўсё, што знайду, і тое, што я знайшла, моцна ўразіла мяне. Сёння ў RealClearPolitics @RCPolitics я тлумачу, як змяніліся мае погляды на…
— Laura Loomer (@LauraLoomer) 28 жніўня 2026
Нагадаем, уплывовая амерыканская MAGA-актывістка наведала Украіну ў ліпені гэтага года. У Кіеве яна ўзяла эксклюзіўнае інтэрв'ю у Зяленскага, убачыла наступствы расійскіх удараў па Кіева-Пячэрскай лаўры, пабывала ў прыфрантавым Харкаве, які штодня абстрэльваюць расійскія войскі, а таксама пагутарыла з высокапастаўленымі чыноўнікамі, простымі ўкраінцамі і ваеннаслужачымі.
Убачыўшы на ўласныя вочы наступствы расійскага тэрору, Лумер прыйшла да высновы, што Расія вядзе несправядлівую вайну.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
