Украінка: Беларусы — найлепшыя

Гэта людзі, якія хутка інтэгруюцца ў чужой краіне, шукаюць працу і вучаць мову.

Украінка alina_beznazwiska, якая працуе з бежанцамі з Беларусі, расказала ў Threads пра свае ўражанні ад нашых суайчыннікаў.

«Калі б мне сказалі назваць найлепшую нацыю, апроч маёй, я б выбрала беларусаў, — піша яна. — Я працую ў сферы сацыяльнай дапамогі за мяжой, маю найбольшы досвед працы з беларусамі са статусам бежанца і абаронай.

Гэта не тыя, хто скажа: «я па-за палітыкай, і мне ўсё адно». Гэта людзі, што сядзелі ў турме за сваю пазіцыю. Гэта людзі, у якіх вялікія тэрміны, але яны паспелі ўцячы. Гэта людзі, якія нічога не чакаюць і хутка інтэгруюцца, шукаюць працу і вучаць мову.

Яны не наракаюць, што ім цяжка, яны ў шоку, што ім увогуле належыць фінансавая дапамога і нешта даюць бясплатна.

Ім нельга ехаць дадому, таму яны робяць усё, каб знайсці свой дом тут, хоць гэта баліць. Я вельмі іх паважаю.

Я мела досвед працы з рознымі нацыямі, але гэтая ўразіла мяне больш за ўсё. Сустрэла чалавека, якога эвакуявалі з турмы ў Польшчу. Думала, што трэба неяк падрыхтавацца: чалавек можа быць траўмаваны, а ён сустракае мяне з шырокай усмешкай і не можа паверыць, што яму дапаможа іншая дзяржава».

Украінцы ў каментарыях падтрымалі сваю суайчынніцу, а беларусы падзякавалі за цёплыя словы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com