У гарах Кыргызстана знайшлі пусты намёт зніклых альпіністаў

Сярод іх былі двое беларусаў.

У гарах Кыргызстана знайшлі намёт групы альпіністаў, якая некалькі дзён таму перастала выходзіць на сувязь пасля ўзыходжання на пік Курумды. Унутры нікога не было. Сярод зніклых — двое грамадзян Беларусі і адзін грамадзянін Літвы, пошукі працягваюцца, паведамляе «Зеркало» са спасылкай на МНС краіны.

Паводле дадзеных ведамства, намёт выявілі падчас пошукавай аперацыі ў гарах. Выратавальнікі яго праверылі, але людзей унутры не было.

Напярэдадні супрацоўнікі МНС Кыргызстана вялі пошукі і засталіся начаваць на вышыні каля 5000 метраў. 9 жніўня да аперацыі дадаткова далучылі пяць выратавальнікаў са спецтэхнікай, пяць супрацоўнікаў Пагранічнай службы і двух гідаў-дабраахвотнікаў са Швейцарыі.

Раней стала вядома, што ў зніклай групе знаходзяцца двое грамадзян Беларусі. Група перастала выходзіць на сувязь пасля ўзыходжання на пік Курумды ў Памір-Алаі па Паўночным грэбні Заалайскага, або Чон-Алайскага, хрыбта.

4 жніўня альпіністы паведамілі свайму аператару, што гатовыя пачаць спуск да базавага лагера. Аднак у прызначанае месца і час яны не прыйшлі.

Маршрут узыходжання быў загадзя ўзгоднены і зарэгістраваны. Пасля знікнення групы Беларуская федэрацыя альпінізму і скалалажання звярнулася да калег з Кыргызстана з просьбай далучыцца да пошукаў.

Раней у паведамленнях пра склад групы фігураваў таксама грамадзянін Латвіі, аднак пазней кыргызскія выратавальнікі ўдакладнілі, што трэцім удзельнікам быў грамадзянін Літвы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com