Вядомы беларускі хакер атрымаў вялікі тэрмін у ЗША

Сваю злачынную кар’еру ў кіберсферы ён пачаў яшчэ ў 2005 годзе.

Беларус Максім Сільнікаў атрымаў працяглы турэмны тэрмін у ЗША за кіберзлачынствы. Падрабязнасці ягонай справы раскрыла пракуратура Усходняй акругі Вірджыніі.

На дадзены момант Сільнікаву 40 гадоў, а сваю злачынную кар’еру ў кіберсферы ён пачаў яшчэ ў 2005 годзе. Яму ставяць у віну датычнасць да працы на пляцоўцы для кіберзлачынцаў Direct Connection у перыяд з 2011 па 2016 год.

Паводле матэрыялаў справы, у 2021 годзе Сільнікаў вырашыў стварыць уласную праграму-вымагальнік, якая атрымала назву Ransom Cartel.

«Сільнікаў разгарнуў дзейнасць па распаўсюджванні праграм-вымагальнікаў і пачаў вербаваць удзельнікаў на форумах, прысвечаных кіберзлачыннасці. У розных выпадках Сільнікаў распаўсюджваў сярод удзельнікаў Ransom Cartel інфармацыю, у тым ліку звесткі пра ўзламаныя камп’ютары, такія як украдзеныя ўліковыя даныя, а таксама інструменты, прызначаныя для шыфравання або блакіроўкі ўзламаных камп’ютараў», — паведамляе пракуратура.

З дапамогай гэтай праграмы беларус і яго саўдзельнікі атакавалі як мінімум 18 кампаній па ўсім свеце, у тым ліку прадпрыемствы ў Каліфарніі, Нью-Ёрку, Небрасцы і іншых штатах. Хакеры кралі даныя кампаній і патрабавалі грашовыя выплаты — або за ключ для разблакіроўкі скрадзенай інфармацыі, або за абяцанне не публікаваць яе.

Групоўка дзейнічала да ліпеня 2023 года, пакуль Сільнікава не арыштавалі ў Польшчы. Пасля гэтага яго экстрадавалі ў ЗША, дзе і адбыўся суд.

За кіберзлачынствы Сільнікаў прысуджаны да 16 гадоў пазбаўлення волі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com