СМІ: Распавёўшы пра касатак і мядзведзяў, Пуцін паўтарыў ШІ-фэйкі

Расійскі дыктатар і тут распаўсюджвае дэзінфармацыю.

Крамлёўскі дыктатар Уладзімір Пуцін, распавядаючы дзецям пра вайну на прыкладзе з касаткамі і белымі мядзведзямі, мог абаперціся на распаўсюджаны ў інтэрнэце фэйк, створаны з дапамогай ШІ. Навукова пацверджаных выпадкаў забойства белага мядзведзя касаткай не выяўлена, піша Discover Wildlife.

Пуцін, нагадаем, заявіў, быццам касаткі палююць на белых мядзведзяў зграямі, разрываючы іх на часткі, і дадаў, што пра гэта трэба распавядаць дзецям, каб яны разумелі, «чаму Расія праводзіць спецыяльную ваенную аперацыю».

Пры гэтым у сеціве сапраўды распаўсюджваюцца відэа, на якіх нібыта зафіксаваныя напады касатак на белых мядзведзяў, аднак гэтыя ролікі з’яўляюцца фэйкавымі і, верагодна, створаныя з выкарыстаннем нейрасетак, таму прэзідэнт РФ, магчыма, стаў ахвярай папулярнага фэйкавага трэнду ў інтэрнэце.

Задокументаваных выпадкаў нападу касатак на белых мядзведзяў таксама не ўдалося выявіць у навуковых публікацыях Міжнароднай асацыяцыі па даследаванні і кіраванні папуляцыяй мядзведзяў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com