Дзяўчына з Казахстана здзівілася, чаму яе пасты ў сацсетцы набіраюць папулярнасць у Беларусі

Разгадка аказалася на паверхні.

Выданне «Моцныя навіны» заўважыла, што карыстальніца з Казахстана па імені Яўгенія напісала ў Threads такі пост: «У мяне прозвішча Гомель. Дык таму мае трэды ляцяць у Беларусь? Я наогул з Алматы. Адкуль вы мяне бачыце? Можа, яшчэ аднафамільцаў знайду».

Алгарытмы сацсеткі зноў трапілі дакладна ў мэту — да Яўгеніі ў каментары прыйшлі здзіўленыя гамяльчане.

Цяпер кажуць, што дзяўчына «проста абавязаная прыехаць у Беларусь і сфатаграфавацца каля стэлы на ўездзе ў Гомель», а хтосьці нават прапанаваў бясплатнае пражыванне і прагулкі па горадзе.

Аднафамільцаў з Гомеля жыхарка Алматы ў каментарыях пакуль не знайшла — хаця адзін чалавек адзначыў, што сугучнае прозвішча сустракаецца ў Германіі — Gommel. А хтосьці ведае хлопца з прозвішчам Лондан, і ён не брытанец.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com