Лукашэнка назваў дату прыезду Коула ў Беларусь

Спецпасланнік прэзідэнта ЗША мае намер дамагацца вызвалення новай групы беларускіх палітвязняў.

Спецпасланнік прэзідэнта ЗША Джон Коул павінен прыехаць у Беларусь 15 верасня, заявіў Аляксандр Лукашэнка. Раней СМІ паведамлялі, што візіт Коула планаваўся на 14 верасня.

Разважаючы пра кантакты з Вашынгтонам і перспектывы «вялікай здзелкі» з ЗША, Лукашэнка згадаў Джона Коула як «лепшага сябра» Дональда Трампа і сказаў, што той «пятнаццатага павінен прыехаць да нас».

Да гэтага крыніцы карэспандэнта «Радыё Свабодная Эўропа/Радыё Свабода» Алекса Рауфоглу, знаёмыя з падрыхтоўкай візіту, называлі іншую дату, на дзень раней — 14 верасня. Паводле іх звестак, Коул мае намер дамагацца вызвалення новай групы беларускіх палітвязняў.

Сам спецпасланнік Трампа раней пацвердзіў, што разлічвае на новыя вызваленні прыблізна ў сярэдзіне верасня. Ён нагадаў, што ЗША ўжо дамагліся вызвалення пяцісот вязняў, а пасля яшчэ каля двухсот — паводле ўказаў аб «памілаванні», падпісаных Лукашэнкам.

«Дык што рэальная лічба складае прыблізна 700–800 чалавек. Спадзяюся неўзабаве давесці яе да тысячы. <�…> Наколькі мне вядома, амаль усе найбольш вядомыя вязні былі вызваленыя. Мне таксама ўдалося дамовіцца аб вызваленні многіх удзельнікаў падзеяў 2020 года, якія змаглі застацца ў Беларусі і вярнуцца дадому. Для мяне гэта было вельмі важна. Людзі вярнуліся дадому, да сваіх сем’яў. Гэта рэальны вынік, і гэтае пытанне па-ранейшаму застаецца часткай нашых перамоваў», — заявіў Коул.

Паводле дадзеных праваабарончага цэнтра «Вясна», па стане на 11 верасня ў Беларусі прызнаныя палітвязнямі 902 чалавекі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com