Расійскі блогер-баксёр пабіў мінчаніна на Зыбіцкай да комы, а пасля палічыў прысуд суда незаконным
5- 12.09.2026, 10:12
- 3,996
Бійка адбылася 8 сакавіка.
У сакавіку 21-гадовы расійскі блогер і прафесійны баксёр Сяргей Цімафееў пабіў двух чалавек на вуліцы Зыбіцкай у Мінску. Пра прысуд яму паведамлялася яшчэ ў ліпені, цяпер ён уступіў у сілу. Расіянін палічыў рашэнне суда незаконным, паведамілі ў сталічнай пракуратуры.
У ліпені паведамлялася, што расійскага блогера Цімафеева асудзілі да пяці гадоў і шасці месяцаў калоніі за збіццё двух чалавек на Зыбіцкай. Адзін з пацярпелых — Андрэй Степанчук — упаў у кому, і яго сям'я збірала грошы на дарагое лячэнне.
Цяпер пракуратура паведаміла, што прысуд у дачыненні да расіяніна ўступіў у сілу пасля апеляцыі ў Мінгарсудзе.
«Абвінавачаны прызнаў сваю віну часткова. Лічыў, што яго асуджэнне прысудам суда незаконнае. Пракурор пры апеляцыйным разглядзе крымінальнай справы выказаў меркаванне аб законнасці, абгрунтаванасці і справядлівасці судовага рашэння», — паведамілі ў пракуратуры.
Блогера судзілі за хуліганства і прычыненне цяжкага цялеснага пашкоджання (ч. 1 арт. 339, п. 7 ч. 2 арт. 147 КК).
Нагадаем, бійка на Зыбіцкай адбылася 8 сакавіка. Там адбыўся канфлікт паміж расіянінам і двума незнаёмцамі. У выніку адзін мужчына ад удару блогера ўпаў і ўдарыўся галавой, што прывяло да комы. Другі абышоўся сінякамі і садзінамі на твары.
Цімафееў на прафесійным узроўні займаўся боксам, з'яўляецца кандыдатам у майстры спорту, а ў 2024 годзе стаў чэмпіёнам РФ па боксе.
Яго нявеста, блогерка Ганна Парамонава, распавяла сваю версію падзей. Паводле яе слоў, кампанія ўбачыла на вуліцы двух мужчын без верхняй вопраткі, адзін з якіх стаяў басанож, і вырашыла дапамагчы. Пасля гэтага, як сцвярджае дзяўчына, мужчыны груба адказалі, і паміж імі ўспыхнуў канфлікт.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
