Памочнік Пуціна занерваваўся з-за слоў Сікорскага

Патрушаў паабяцаў знішчыць Варшаву «за два-тры дні».

Расія знішчыць Польшчу ў найкарацейшыя тэрміны, калі тая вырашыць распачаць вайну, заявіў памочнік прэзідэнта РФ Мікалай Патрушаў у інтэрв'ю «АіФ». «У выпадку ўступлення Польшчы ў ваенныя дзеянні супраць Расіі наша краіна выкарыстае ўвесь арсенал наяўных у яе сіл і сродкаў, і польская дзяржаўнасць спыніць сваё існаванне за два-тры дні», — сказаў ён (цытата паводле «Інтэрфаксу»).

На думку Патрушава, міністр замежных спраў Польшчы Радослаў Сікорскі, заяўляючы пра ваенную перавагу Польшчы, не ўлічвае, што ўзброеныя сілы РФ у вайне супраць Украіны «далёка не выкарыстоўваюць увесь свой патэнцыял». Памочнік Пуціна таксама абвінаваціў польскага міністра ў «русафобскім угары» і «нежаданні забяспечыць мірнае існаванне Польшчы».

Раней Сікорскі заявіў пра здольнасць палякаў і іх саюзнікаў хутка разграміць расійскую армію ў выпадку яе нападу, спаслаўшыся на значную перавагу ЕС у авіяцыі. Міністр таксама звярнуў увагу, што сукупныя абаронныя выдаткі краін Балтыі і Паўночнай Еўропы ўжо перавышаюць ваенны бюджэт РФ.

На думку Сікорскага, краінам ЕС неабходна пераканаць прэзідэнта РФ Уладзіміра Пуціна ў сваёй гатоўнасці адказаць на магчымую агрэсію і зрабіць яе неверагодна дарагой для Крэмля. Ён таксама заклікаў НАТА маштабаваць вучэнні каля Калінінградскай вобласці, каб прымусіць Расію перакідваць вайскоўцаў у рэгіён з украінскага фронту.

13 верасня прэм'ер-міністр Польшчы Дональд Туск заявіў, што ў бліжэйшыя «тыдні і месяцы» чакае вельмі інтэнсіўных ваенных дзеянняў з боку Расіі, якія могуць закрануць тэрыторыю рэспублікі. Ён падкрэсліў, што Варшава і яе саюзнікі па НАТА «павінны быць гатовыя да сумеснага адказу ў выпадку неабходнасці».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com