Галоўным эканамістам Сусветнага банка ўпершыню стаў лаўрэат Нобелеўскай прэміі

Прафесар Чыкагскага ўніверсітэта прыступіць да абавязкаў 1 кастрычніка.

Галоўным эканамістам і старшым віцэ-прэзідэнтам па пытаннях эканамічнага развіцця Сусветнага банка стаў 61-гадовы лаўрэат Нобелеўскай прэміі Майкл Крэмер. Пра яго прызначэнне паведамляе Reuters.

Крэмер стаў першым эканамістам, які прыходзіць на гэтую пасаду, ужо маючы Нобелеўскую прэмію, — у адрозненне ад Джозэфа Стыгліца і Пола Ромера, якія атрымалі гэтую прэстыжную ўзнагароду пасля сыходу з пасады галоўнага эканаміста банка. Раней ён выкладаў эканоміку ў Гарвардзе, там жа атрымаў дактарскую ступень.

Прафесар Чыкагскага ўніверсітэта зменіць на гэтай пасадзе Індерміта Гіла, які выйшаў на пенсію мінулага месяца, і прыступіць да абавязкаў 1 кастрычніка — незадоўга да штогадовых сустрэч Сусветнага банка і МВФ у Бангкоку.

«Майкл прысвяціў сваю кар’еру не проста таму, каб вызначыць, што працуе ў сферы развіцця, а таму, каб даказаць гэта на практыцы ў маштабе — і менавіта такое мысленне нам неабходна», — пракаментаваў прызначэнне прэзідэнт Сусветнага банка Аджай Банга.

Ён адзначыў, што Крэмер прыходзіць у арганізацыю ў момант, калі свету патрэбныя смелыя рашэнні найбольш вострых праблем развіцця, уключаючы стварэнне працоўных месцаў для больш як 1,2 млрд маладых людзей, якія ў бліжэйшае дзесяцігоддзе дасягнуць працаздольнага ўзросту.

«Група Сусветнага банка мае велізарны даследчы патэнцыял для распрацоўкі і тэставання інавацыйных рашэнняў праблем развіцця — і аперацыйныя магчымасці для іх маштабавання і паляпшэння жыцця людзей», — заявіў сам Крэмер.

Нобелеўскую прэмію па эканоміцы ён атрымаў разам з Эстэр Дзюфло і Абхіджытам Банерджы у 2019 годзе за эксперыментальны падыход да вырашэння праблемы глабальнай беднасці. Пасля гэтага Крэмер разам з жонкай, брытанскай эканамісткай Рэйчэл Гленнерстэр, распрацавалі механізм авансавых рыначных абавязацельстваў, які стымуляваў фармакампаніі распрацоўваць вакцыны для краін з нізкім узроўнем даходаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com