У Калінкавічах у каналізацыі загінулі трое работнікаў

У пэўны момант яны перасталі выходзіць на сувязь.

1 верасня падчас планавых работ па абслугоўванні каналізацыйна-насоснай станцыі адбылася трагедыя. Брыгада філіяла «Калінкавічывадаканал» займалася ачысткай сцёкаў у шахце ад бытавога смецця.

У работах удзельнічалі трое супрацоўнікаў: 44-гадовы начальнік участка і два слесары — 43 і 37 гадоў. У пэўны момант сувязь з імі знікла.

Калега, які прыехаў на станцыю, выявіў у памяшканні пакінутыя асабістыя рэчы работнікаў, а зазірнуўшы ў каналізацыйны калодзеж, убачыў на паверхні вады ліхтарык. Ён адразу паведаміў пра гэта кіраўніцтву, і на месца выклікалі выратавальнікаў МНС.

Як паведамілі ў Следчым камітэце, з шахты былі выняты целы ўсіх траіх мужчын.

На месцы здарэння працавалі следчыя, крыміналісты, супрацоўнікі МНС, эксперты і прадстаўнікі інспекцыі працы. Для вызначэння прычын таго, што адбылося, з шахты адбралі пробы паветра і сцёкавых вод.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com