У Санкт-Пецярбургу ў дзень прыезду Пуціна адключылі мабільны інтэрнэт

Дыктатар РФ баіцца за сваю бяспеку.

Жыхары Санкт-Пецярбурга паскардзіліся на збоі ў працы мабільнага інтэрнэту. 25 верасня ў горад павінен прыехаць прэзідэнт Расіі Уладзімір Пуцін для ўдзелу ў XII Міжнародным форуме аб'яднаных культур. Паводле звестак Downdetector, колькасць скаргаў на адключэнні пачала расці пасля 15:00 і наблізілася да 300. Карыстальнікі пішуць, што ў іх не адкрываюцца сайты і прыкладанні, працуюць толькі «белыя спісы» дазволеных уладамі сайтаў. Ні ў Пецярбургу, ні ў Ленінградскай вобласці ў пятніцу не было папярэджанняў пра атакі беспілотнікаў, перадае The Moscow Times.

«Гарадскі цэнтр кіравання паркоўкамі» паведаміў пра праблемы з аплатай паркоўкі праз мабільны інтэрнэт. Улады перакрылі вуліцы, з-за чаго ў цэнтры ўтварыліся заторы. У прыватнасці, для праезду закрытыя Універсітэцкая набярэжная паміж Палацавым мостам і Кадэцкай лініяй, Коннагвардзейскі бульвар і Галерная вуліца. Заторы назіраюцца на набярэжнай Абводнага канала, Садовай вуліцы, вуліцы Дзекабрыстаў і Малой Марской.

Ля другой сцэны Марыінскага тэатра, дзе з 17:00 да 19:00 павінна адбыцца «спецыяльная падзея» форума, дзяжураць паліцыя, Расгвардыя, пажарныя і хуткая дапамога.

Пра тое, што Пуцін прыедзе ў Пецярбург і наведае форум аб'яднаных культур, паведаміла ягоная дарадца Алена Ямпольская. Пры гэтым у праграме мерапрыемства выступленне прэзідэнта не значыцца. Ямпольская сцвярджала, што афіцыйныя дэлегацыі для ўдзелу ў форуме накіравалі 40 краін. Сярод заяўленых тэмаў — захаванне «традыцыйных духоўна-маральных каштоўнасцяў», культурны суверэнітэт і «Расія без Галівуда».

Раней Пуцін прыязджаў у Пецярбург на Дзень Ваенна-марскога флоту — 26 ліпеня. Тады ў горадзе таксама адключалі мабільны інтэрнэт і працавалі толькі «белыя спісы».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com