Пуцін цынічна апраўдаў расійскія ўдары па Украіне і абвінаваціў яе ў зрыве перамоваў

Дыктатар заявіў, што ўкраінцы нібыта першымі нанеслі ўдары па РФ.

Расійскі дыктатар Уладзімір Пуцін заявіў, што Расія нібыта была гатовая аднавіць перамовы з Украінай пасля выбараў, але Украіна, паводле яго слоў, «паспрабавала нанесці ўдары па Маскве і атакавала выбарчыя ўчасткі». Яго заявы цытуюць расійскія СМІ.

Таксама ён абвінаваціў Украіну ў тым, што яна спыніла перамовы ў Стамбуле, але, паводле яго слоў, «за некалькі тыдняў да выбараў заявіла пра гатоўнасць аднавіць перамовы».

Акрамя таго, Пуцін цынічна заявіў, што менавіта Украіна пачала наносіць удары па Расіі, а расійскія ўдары па Украіне, маўляў, з’яўляюцца не чым іншым, як адказам.

«Гэта яны ўсё пачалі. Яны павінны адчуць удары Расіі ў адказ і зразумець, што ніякія правакацыйныя дзеянні, ніякае нагнятанне абстаноўкі не прывядуць да патрэбнага ім выніку, а толькі пагоршаць становішча», – заявіў дыктатар.

Ён падкрэсліў, што рэакцыя Расіі на дзеянні Украіны, у прыватнасці на «ўдары па мірнай інфраструктуры», аказалася істотнай.

Паводле слоў дыктатара, мірныя прапановы цяпер «на стале», але «пасля ўсяго таго, што яны (Украіна, – рэд.) зрабілі», РФ яшчэ «добра падумае, што трэба зрабіць».

Таксама Пуцін чарговы раз запэўніў, што Расія нібыта не рыхтуецца да баявых дзеянняў з Еўропай. Кажа, што «для гэтага няма падстаў». Заяву міністра абароны Эстоніі пра магчымы канфлікт з РФ ён назваў правакацыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com