Лукашэнка загадаў «добра-такі патрасці» школьнікаў

Асабліва ў плане фізічнай падрыхтоўкі.

Лукашэнка вырашыў прыняць з дакладам міністра адукацыі Андрэя Іванца.

Дыктатар прызнаўся, што прыкладна тыдзень правёў у замежных камандзіроўках, а да гэтага быў заняты куды больш важнай для яго справай — кантраляваў уборачную кампанію ў вёсцы. «Ад гэтага ніяк нельга было адысці. Таму нібыта пытанні школы і ВНУ адышлі на другі план. Але гэта не азначае, што я не ў курсе, як у нас складаліся справы з пачаткам новага навучальнага года», — заявіў ён.

Далей пайшла традыцыйная вымова. На гэты раз пад раздачу трапіла фізічная падрыхтоўка школьнікаў — Лукашэнка заявіў, што школа «недапрацоўвае». У якасці аргумента кіраўнік, як звычайна, спаслаўся на меркаванне вайскоўцаў: маўляў, прызыўнікі хоць і сталі трошкі лепшыя, але ўсё роўна недастаткова прыгодныя. «Трэба нам неяк нашу моладзь, асабліва дзяцей школьнага ўзросту, добра-такі патрасці і ў фізічных адносінах», — распарадзіўся ён, чарговы раз ацэньваючы сістэму адукацыі перадусім праз прызму прыдатнасці будучых прызыўнікоў да армейскай службы.

Дасталося і рамонтам навучальных устаноў — хоць міністр якраз бадзёра даклаў, што ўсе школы атрымалі прэславутыя «пашпарты гатоўнасці», а за тры гады капітальна адрамантавалі больш за 300 будынкаў. Аднак і гэта не задаволіла Лукашэнку, які ў сваёй фірмовай манеры запатрабаваў «цалкам школы патрасці» — «чаго б гэта ні каштавала».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com