Юшчанка можа не паехаць на саміт кіраўнікоў дзяржаў СНД

10 кастрычніка ў Бішкеку адбудзецца саміт кіраўнікоў дзяржаваў СНД. Прэзідэнт Украіны Віктар Юшчанка пакуль не вызначыўся са сваім удзелам у саміце.

Як паведамляе ўкраінскае агенцтва УНІАН, аб гэтым у аўторак журналістам паведаміў намеснік кіраўніка прэзідэнцкага сакратарыята Андрэй Ганчарук.

Па ягоных словах, пакуль яшчэ ўдзел прэзідэнта ў саміце не пацвярджаецца з-за загружанасці графіка Юшчанкі.

Ганчарук дадаў, што ў графку прэзідэнта пакуль няма гэтага мерапрыемства, аднак дэлегацыя ад Украіны на саміце прадстаўленая будзе.