Арышты за распаўсюд незалежнай прэсы (Абноўлена)

Актывістаў «Маладога Фронту» Юльяна Місюкевіча і Аляксея Савінкова сёньня беспадстаўна затрымалі на вакзале ў Менску.

Маладёнаў даставілі ў апорны пункт, дзе агледзелі іхнія рэчы, сярод якіх былі раённыя газэты "Маладога Фронту" "Сьвіслацкае рэха" і сьцяжкі з надпісамі "За МТС па-беларуску!"

Незалежныя газэты міліцыянты не кранулі, аднак сканфіскавалі паўсотні сьцяжкоў, прысьвечаных кампаніі па беларусізацыі мабільнага апэратара МТС, піша старонка mfront.net.

Таксама ў міліцыю прыехалі два супрацоўнікі КДБ, якія правялі "прафіляктычныя гутаркі" зь сябрамі "Маладога Фронту".

Праз 3 гадзіны Юльяна Місюкевіча і Аляксея Савінкова вызвалілі, а затым ізноў затрымалі ў мікрараёне Лошыца Ленінскага району Менску. Там моладзевыя актывісты раздавалі мінакам газэты «Маладога Фронту».

Зараз Аляксей і Юльян ізноў знаходзяцца ў пастарунку міліцыі, перадае "Радыё Свабода".