Рост тарыфаў ЖКГ у 2 разы перавысіў абяцаны максімум

Аляксандр Лукашэнка даручыў ураду абмежаваць рост тарыфаў максімумам у $5, але чыноўнікі дапусцілі на працягу года павелічэнне тарыфаў на $9,1.

Плацяжы насельніцтва за газ, электрычную і цеплавую энергію, г.зн. за паслугі, якія аказваюцца арганізацыямі Мінэнерга, узрастуць на $7 у эквіваленце, а плацяжы за паслугі, якія аказваюцца арганізацыямі сістэмы Мінжылкамгаса (тэхабслугоўванне, вада, каналізацыя, вываз і абясшкоджванне цвёрдых бытавых адыходаў, карыстанне ліфтамі) - на $3, піша АФН.

Паводле закона аб бюджэце на 2009 год прадугледжаная кампенсацыя насельніцтвам 32% выдаткаў на аплату жыллёва-камунальных паслугаў. Аднак, па новых тарыфах, усталяваны з 1 студзеня ўзровень дазволіць кампенсаваць толькі 29,8% ад агульнага аб'ёму выдаткаў.

Квартплата для сям'і з трох чалавек, якая пражывае ў стандартнай двухпакаёвай кватэры агульнай плошчай 48 кв.м, павялічыцца з 1 студзеня ў сярэднім на Br21 тыс. (на 14,8%) і складзе пры нарматыўным спажыванні камунальных паслугаў Br162,9 тыс. у ацяпляльны перыяд. У летні перыяд кошт ЖКП узрасце на Br13,3 тыс. (на 14,4%) да Br106,1 тыс. за двухпакаёвую кватэру, паведамляе БелТА са спасылкай на спецыялістаў Мінжылкамгаса Беларусі.