Мітрапаліт Тадэвуш Кандрусевіч узнагароджаны медалём святога Альберта
1- 18.12.2008, 16:11
Мітрапаліту Менска-Магілёўскаму арцыбіскупу Тадэвушу Кандрусевічу быў уручаны ў Варшаве ганаровы медаль імя святога брата Альберта.
Гэтай узнагародай ён быў уганараваны за пастырскую, дабрачынную і экуменічную дзейнасць, паведамляе сайт catholic.by.
Цырымонія ўручэння гэтай узнагароды прайшла ўжо ў трыццаць трэці раз. Сёлета яе атрымалі дзесяць асобаў, сярод якіх, напрыклад, свецкі прадстаўнік Маскоўскага патрыярхата Валеры Аляксеяў. Адзінаццатая ўзнагарода была ўручаная французскай правінцыі айцоў езуітаў.
Медаль імя святога Альберта прызначаецца ў галінах сакральнай архітэктуры, жывапісу, дэкаратыўнага рамяства, рэлігійнай музыкі, літаратуры, тэатральнай і кінатворчасці, дабрачыннасці, эканамічнай і гаспадарчай дзейнасці.