Тэрміны выбару пляцоўкі пад АЭС праваленыя
7- 25.04.2008, 15:31
Канчатковы выбар пляцоўкі пад будаўніцтва АЭС у Беларусі будзе зроблены да канца чэрвеня 2008 года, паведаміў на прэс-канферэнцыі намеснік дырэктара РУП "БелНДПІЭнергапрам" Уладзімір Баброў.
Аднак у студзені на паседжанні Савета бяспекі па пытаннях будаўніцтва АЭС было заяўлена, што пляцоўка будзе абраная яшчэ ўвесну 2008 года.
У цяперашні час па-ранейшаму вядзецца даследаванне чатырох пляцовак для будучай АЭС - Краснапалянскай і Кукшынаўскай у Магілёўскай вобласці, Верхнядзвінскай у Віцебскай вобласці і Астравецкай у Гарадзенскай вобласці.
Па словах Баброва, гэтыя пляцоўкі вывучаныя ў рознай ступені, што звязана з немагчымасцю правядзення работ адначасова на ўсіх пляцоўках у сувязі з абмежаванай колькасцю тэхнічных сродкаў і кадраў.
Пры гэтым ён адзначыў, што адшуканні паказваюць, что што фактычна на кожнай з іх магчымае будаўніцтва АЭС.