В.а. старшыні Менгарвыканкама стаў Мікалай Ладуцька

Аляксандр Лукашэнка правёў у сераду шэраг чарговых буйных кадравых перастановаў.

Беларускі кіраўнік прызначыў Мікалая Ладуцьку першым намеснікам старшыні, выконваючым абавязкі старшыні Менскага гарвыканкама, паведамілі «Інтэрфаксу» у прэс-службе Лукашэнкі.

Аляксандр Лукашэнка таксама прызначыў Аляксандра Барысенку і Андрэя Ясючэню намеснікамі старшыні Менгарвыканкама.

Раней Мікалай Ладуцька займаў пасаду намесніка старшыні Менскага гарвыканкама, яшчэ раней - кіраўніка адміністрацыі Фрунзенскага раёна Менска.

Нагадаем, што старшыня Менгарвыканкама Міхаіл Паўлаў, па інфармацыі незалежных СМІ, у дадзены момант знаходзіцца на лячэнні ў Германіі. Яму была зробленая аперацыя па выдаленні пухліны мозгу. Аб ягоным стане здароўя нічога не вядома.