У Баранавічах зарплату выплачваюць пасцельнай бялізнай

Працаўнікам Баранавіцкага баваўнянага аб'яднання не выплачваюць адпускныя нават тады, калі яны вяртаюцца з адпачынку.

У той жа час, як нагадвае «Еўрарадыё», заканадаўства патрабуе выдаваць адпускныя за тры дні да сыходу ў адпачынак.

У бухгалтэрыі працаўнікам адказваюць: «Грошай няма, але па разліковым лістку вы можаце набраць бялізны ці тканіны, прадаць іх і будуць вам грошы».

У гэтым месяцы 25 дня месяца зарплату працаўнікам не выдадуць, а выплацяць «крыху пазней». Дакладную дату адміністрацыя назваць не можа.

«Заўтра ў дачкі дзень нараджэнні. Пайду, выпішу два камплекты пасцелі і падарую», — сказаў «Еўрарадыё» адзін з працоўных аб'яднання.