Напярэдадні візіту ў Брусэль Мілінкевіч правёў кансультацыі з экспертамі
19- 23.02.2010, 11:55
Лідэр руху «За свабоду» абмеркаваў пытанні, на якіх будзе акцэнтаваная ўвага падчас сустрэчаў з еўрапарламентарамі.
Гутарка вялася з вядомымі палітолагамі і эканамістамі пра тое, якія эканамічныя і палітычныя механізмы можа ўжыць Еўразвяз, каб паспрыяць набліжэнню Беларусі да еўрапейскіх стандартаў, паведамляе прэс-служба руху «За свабоду».
Нагадаем, што Аляксандр Мілінкевіч і старшыня Саюза палякаў Анжаліка Борыс адпраўляюцца ў сталіцу ЕЗ, каб прыняць удзел у міні-сесіі Еўрапарламента, прысвечанай сітуацыі ў Беларусі. Чакаецца, што Еўрапарламент у чацвер прыме рэзалюцыі па сітуацыі з правамі чалавека ў Беларусі.
