Радзівілам вернуць палац у Польшчы

Нашчадкі Канстанціна Мікалая Радзівіла, апошняга ўладальніка палаца ў Ядвісіне, які знаходзіцца недалёка ад Варшавы, выйгралі працэс аб вяртанні помніка.

Пра гэта, як перадае «Радыё Свабода», піша вядомая польская газета «Rzeczpospolita».

На сённяшні дзень палац належыць канцылярыі прэм'ера Польшчы і выкарыстоўваецца ў якасці дома адпачынку і месца правядзення канферэнцыяў.

У юрыстаў Радзівілаў атрымалася давесці, што палац і парк плошчай 100 гектараў не мог падлягаць так званаму дэкрэту аб зямельнай рэформе і не быў звязаны з сельскагаспадарчай вытворчасцю, а гэта дае падставы вярнуць нерухомасць законным уладальнікам.