У Баранавічах на жніво адправяць выпускнікоў вучылішчаў

У рэгіёнах па-савецку вырашаюць праблему кадраў падчас жніва.

У Баранавіцкім раёне мяркуецца прыцягнуць да працы ў полі выпускнікоў і практыкантаў з сярэдніх спецыяльных навучальных устаноў.

Як перадае «Еўрарадыё», падчас уборачнай пары яшчэ 180 чалавек будуць накіраваныя ў калгасы з прадпрыемстваў. Каб сабраць ураджай раёна, трэба 850 механізатараў, з іх 304 - камбайнераў, а менавіта іх і бракуе.