Група Limp Bizkit не сабрала «Менск-Арэну»
25- 20.09.2010, 16:53
Прычынай, хутчэй за ўсё, стала «зорная» перагружанасць канцэртнага графіка сталіцы.
Канцэрт пераносіцца ў Палац спорту. Дата і час засталіся ранейшымі - 5 кастрычніка, 19:00. Квіткі, набытыя ў «Менск-Арэну», застаюцца сапраўднымі, піша «Камсамольская праўда ў Беларусі».
Прычынай, хутчэй за ўсё, стала «зорная» перагружанасць канцэртнага графіка сталіцы. Нагадаем, што акрамя нядаўняга канцэрта Стынга менчукі змогуць у бліжэйшы час папрысутнічаць таксама на выступах Джо Кокера, Хасэ Карэраса і Гару.
Арганізатары канцэрта Limp Bizkit кажуць, што скасаваць канцэрт немагчыма: прададзена пэўная колькасць квіткоў, прыхільнікі гурта чакаюць прыезду Limp Bizkit ў Менск, у гастрольным графіку калектыву зацверджаны канцэрт у Беларусі.
Таму ў сітуацыі, якая склалася было вырашана перанесці канцэрт на меншую пляцоўку, чым планавалася першапачаткова.
