23 красавiка 2024, aўторак, 2:19
Падтрымайце
сайт
Сім сім,
Хартыя 97!
Рубрыкі

Зміцер Бандарэнка - дзень народзінаў за кратамі

49
Зміцер Бандарэнка - дзень народзінаў за кратамі

Сёння, 28 верасня, каардынатар «Еўрапейскай Беларусі» і давераная асоба кандыдата ў прэзідэнты Андрэя Саннікава святкуе дзень нараджэння.

Яму спаўняецца 48 гадоў.

Палітвязень не зможа адсвяткаваць гэты дзень нараджэння з сям'ёю і сябрамі, таму што знаходзіцца ў турме. Беларуская дыктатура адправіла гэтага палітыка за краты на два гады за падзеі 19 снежня 2010 года.

У турме Зміцер Бандарэнка падвергнуўся катаванням, здзекаванням, перанёс аперацыю на хрыбетніку і не прайшоў паўнавартасную пасляаперацыйную рэабілітацыю, але ўсё гэта не змагло зламаць гэтага мужнага чалавека.

У пачатку верасня стала вядома, што Зміцер Бандарэнка намінаваны на прэмію Еўрапарламента імя Андрэя Сахарава «За свабоду думкі» па ініцыятыве польскага парламентарыя Марэка Мігальскігі.

Гэтая прэстыжная прэмія заснаваная Еўрапарламентам у 1988 годзе. Яна прысуджаецца людзям і арганізацыям, якія прысвячаюць сваё жыццё і дзейнасць абароне правоў чалавека і ягоных свабод, перш за ўсё свабодзе слова.

Павіншаваць вязня сумлення можна, адправіўшы святочныя паштоўкі і тэлеграмы на наступны адрас: 213105, Бандарэнку Зміцеру Яўгенавічу, г. Магілёў, Слаўгарадская шаша, п/а Вейна, выпраўленчая калонія № 15, каранцін.

Напісаць каментар 49

Таксама сачыце за акаўнтамі Charter97.org у сацыяльных сетках