28 сакавiка 2024, Чацвер, 22:17
Падтрымайце
сайт
Сім сім,
Хартыя 97!
Рубрыкі

«Закон Магніцкага» могуць ужыць супраць украінскіх дзяржаўных службоўцаў

6
«Закон Магніцкага» могуць ужыць супраць украінскіх дзяржаўных службоўцаў

Пра гэта заявіла ўплывовая міжнародная праваабарончая арганізацыя «Рэпарцёры без межаў».

Яе прадстаўніца Аксана Раманюк мяркуе, што нормы «Закона Магніцкага» могуць быць скарыстаныя ЗША і супраць украінскага чынавенства.

«Я думаю, што Злучаныя Штаты далей змогуць выкарыстоўваць нормы гэтага закона для ўвядзення санкцый супраць украінскіх службоўцаў», - сказала Аксана Раманюк у каментары рускай службе «Голоса Америки».

Украіна пераймае расійскую палітычную мадэль, якая характарызуецца згортваннем дэмакратычных працэсаў. «Развіццё дэмакратычных каштоўнасцяў ва Ўкраіне надзвычай замарудзілася, параўноўваючы з сітуацыяй да пачатку 2010 года», - канстатуе Раманюк.

«Калі гаварыць пра свабоду слова – колькасць нападаў на журналістаў узрасла ў два з паловай разы толькі за гэты год. Сёння факты цэнзуры фіксуюцца на трыццаць адсоткаў часцей, чым напачатку 2012 года», - сказала яна.

Раней нямецкі еўрадэпутатка з групы Зялёныя/Вольны альянс Рэбека Хармс таксама заявіла, што ва ўладных калідорах ЕЗ сур'ёзна задумваюцца над укараненнем санкцый у дачыненні да прадстаўнікоў украінскай улады паводле прыкладу «спісу Магніцкага», піша «Корреспондент».

Як паведамлялася, міжнародная праваабарончая арганізацыя Freedom House будзе ініцыяваць увядзенне персанальных санкцый супраць украінскіх высокапастаўленых службовых асоб.

Напісаць каментар 6

Таксама сачыце за акаўнтамі Charter97.org у сацыяльных сетках