Вываз паліва ў баках у Літву абмяжуюць

Разглядаецца пытанне па кантролі за вывазам паліва.

Пра гэта паведаміў сёння старшыня Дзяржаўнага мытнага камітэта.

Па словах Юрыя Брыткова, на сённяшні дзень польская мытная служба кантралюе колькасць паліва, якое вывозіцца з Беларусі ў баках, аднак на літоўскім напрамку дадзенага кантролю няма. «І адной з прычын чэргаў на літоўскім напрамку з'яўляецца вываз паліва з Беларусі», - сказаў ён падчас онлайн-канферэнцыі на сайце БелТА.

Над тым, як змяніць сітуацыю, зараз думае не толькі мытная служба. Зацікаўленыя дзяржорганы рыхтуюць свае прапановы. «Разглядаецца пытанне менавіта па кантролі за вывазам паліва, - падкрэсліў прадстаўнік ДМК. - Калі будуць аднолькавыя нормы вывазу паліва па ўсёй тэрыторыі знешняй мяжы, натуральна, транспартныя плыні будуць размяркоўвацца раўнамерна».