За мяжу на машыне - раз на 8 дзён

Нормы па вывазе аўтамабільнага паліва з Беларусі сталі больш жорсткімі з 0.00 28 лістапада 2011 года.

З гэтага моманту пачала дзейнічаць пастанова Савета Міністраў № 1554 ад 18 лістапада 2011 года, паведамляе БелТА.

Дакументам уносяцца змяненні ў пастанову Савета Міністраў ад 10 чэрвеня 2011 г. № 753 «Аб некаторых пытаннях рэгулявання вывазу аўтамабільнага паліва з тэрыторыі Рэспублікі Беларусь».

Новая пастанова прынятая для ўзмацнення мер па абмежаванні вывазу з краіны аўтамабільнага паліва і стабілізацыі абстаноўкі ў пунктах пропуску праз дзяржмяжу Беларусі.

Павялічаны інтэрвал перамяшчэння праз мяжу паліва без мытнага афармлення з 5 да 8 дзён. Гэта звязана з тым, што аўтамабільнае паліва вывозяць часцей за ўсё ў выходныя дні, у выніку ствараюцца чэргі і ўскладняецца рух праз мяжу грамадзян, якія выязджаюць у турыстычных мэтах, на адпачынак або па іншых прычынах, растлумачылі ў Дзяржаўным мытным камітэце.

Усталяваны кантроль як па стаўленні да асобы, што перасякае мяжу ў якасці кіроўцы транспартнага сродку, так і ў дачыненні да самога аўтамабіля: грамадзяне, якія займаюцца незаконным вывазам паліва, часцяком выкарыстаюць адзін і той жа аўтамабіль і падстаўных асоб.

Акрамя таго, выключаная норма, усталяваная пастановай № 753, якой прадугледжвалася непрымяненне абмежавання на вываз паліва грамадзянамі, якія перасякаюць мяжу па працоўных візах або выязджаюць на лячэнне. Зараз гэтае абмежаванне распаўсюджваецца і на іх. Грамадзяне, якія займаюцца незаконным вывазам паліва, прадстаўляюць у мытны орган фіктыўныя працоўныя дамовы і фіктыўныя дакументы на аказанне медыцынскіх паслуг за мяжой.

Дзеянне гэтай пастановы не распаўсюджваецца на супрацоўнікаў дыпламатычных прадстаўніцтваў, консульскіх установаў, міжнародных арганізацый, прадстаўніцтваў гэтых арганізацый і іхніх сем'яў - пры прад'яўленні дыпламатычных (службовых) пашпартоў або іншых дакументаў, якія пацвярджаюць іхні статут. Не закрануць абмежавальныя меры і фізічных асоб, якія працуюць у дзяржаўных органах і іншых дзяржарганізацыях, а таксама ваеннаслужачых, асоб начальніцкага і радавога складу Следчага камітэта, органаў унутраных спраў, органаў і падпаддзяленняў па надзвычайных сітуацыях, органаў фінансавых расследаванняў, якія накіроўваюцца ў службовыя камандзіроўкі за мяжу (пры прад'яўленні выпісак з рашэнняў адпаведных органаў (арганізацый) і (або) камандзіровачных пасведчанняў, выдадзеных гэтымі органамі (арганізацыямі). Абмежавальныя меры таксама не распаўсюджваюцца на працаўнікоў дзяржаўных арганізацый дзяржаваў-членаў Мытнага саюза, размешчаных на тэрыторыі замежных дзяржаваў, кіроўцаў аўтатранспартных сродкаў, якія ажыццяўляюць міжнародныя перавозкі пасажыраў, працаўнікоў юрыдычных асоб, а таксама іншых фізічных асоб пры наяўнасці важкіх прычын у адпаведнасці з прынятым Дзяржпамежкамітэтам і ДМК рашэннем.