Польская фура ўрэзалася ў дрэва ў Гомельскай вобласці (Фота)
13- 9.08.2012, 14:25
Сур'ёзная аварыя ў Рагачоўскім раёне Гомельскай вобласці. Фура ўрэзалася ў дрэва, вадзіцеля заціснула ў кабіне - спатрэбілася дапамога ратавальнікаў.
Высветлілася, што незадоўга да 2 гадзін ночы кіроўца грузавога Volvo-460, рухаючыся па дарозе Рагачоў - Бабруйск, заснуў за рулём. Машыну павяло, яна з'ехала ў кювет і ўрэзалася ў дрэва. Ад удару кабіну літаральна адарвала ад рамы, перадае interfax.by.
Кіроўцу, грамадзяніну Польшчы, пашанцавала: нягледзячы на сур'ёзнасць аварыі, ён застаўся жывы. Ратавальнікі выцягнулі яго з дэфармаванай кабіны, брыгада хуткай дапамогі адправіла мужчыну ў шпіталь з дыягназам «пералом касцей таза, чэрапна-мазгавая траўма, удар ўнутраных органаў».